Košarkaši SC Derbija slavili su u 22. kolu protiv ekipe FMP-a 94:85.

Momci Dejana Jakare su odlično otvorili meč i u prvoj dionici napravili dvije serije kojim su napravili rezultatski bijeg.

Prvo smo serijom 7:0 u prvoj dionici došli do vođstva 12:6, gosti su se vratili na poen zaostatka 14:13, a onda smo ponovo serijom 8:0 otišli na 22:13.

Međutim ni gosti nisu poklekli i uspjeli su da u drugoj četvrtini prvo smanje a onda i preokrenu rezultat u svoju korist, da bi meč onda ušao u tempo "koš za koš" do kraja poluvremena.

Stekli smo blagu prednost u nastavku ali ni u jednom trenutku nismo mogli da spustimo gard jer su gosti iz Železnika uvijek bili blizu priključka.

Konačno u zadnjoj dionici je proradio šut za tri poena, Tomislav Ivišić je vezao dvije za seriju od 10:1 i poveo nas na dvocifrenu zalihu, a presudio je ponovo sjajni Mateo Drežnjak koji je ponovo bio najbolji pojedinac na utakmici.

Drežnjak je na kraju meč završio sa 26 poena, imao šest asistencija, pet skokova, dvije ukradene lopte i indeks korisnosti 36.

Hadžibegović je dao 18, i imao po četiri skoka i asistencije, Tomislav Ivišić je dao 17 i imao šest skokova.

Nastavljamo borbu za doigravanje i nadamo se da ćemo nakon četiri kola biti učesnici plej ofa.